مواقف مميزة في حياتنا

هواااااااااااااا زواجي الميمون
لحظات لا تنسسسسسسى
وكل ولاده الهاااااا طعم ولون
وطلعتي من العراق هم لحظات

هههههههههههههههههههههههه
لا بدوله ماحزرتي نريدها بالتفصيل الممل
يعني كان ياما كان

حلو الموضوع ام حمودي
اني اشارك بموضوع طريف هو اني كنت قبل ما اسوي عملية تصحيح نظر كان نظري ضعيف وصارت الي كومه مواقف اتموت من الضحك خلي احجي اولا
مره كنت بالسياره وامي اختي طالعين نشتري صمون واتعرفون قبل الحرب كومه اكو اولز موبيل موديل 90 لونها ابيض بالشارع المهم نزلت جبت صمون وصعدت بالسياره واطلع صمون حار واكول لاختي هاج صمونه والا اشوف شاب كاعد بالسياره فاتح هيونه وصافن كلت اله انته منو وشجابك لسيارتنا كال انتي منو وجان اسمع هورنات من ورايا اختي ادك الي هههههههههه طلعت صاعده بسيارة واحد ينتظر امه همين تشتري صمون ويومها ما انسى الفشله
الموقف الثاني
جنت طالعه ويا زوجي بس ايام العلاقه وجنت كاشخه وافيك براسه هههههههههه المهم يومها طلعت بحجة عندي محاظرات دا اخذها من بيت صديقتي وكنت ما اندل بيتهم وكنا اني وياه نفتر ندور جان اكول اله احجي ويا ذوله الرياجيل اللابسين دشاديش وكاعدين يم النخله اسالهم على بيت صديقتي كال يا رياجيل هاي اكياس طحين مال معمل الطحين اللي يم النخله ههههههههههههههه فشله مو ؟؟؟؟؟
الموقف الثالث اني من ادرس واتعب واسهر اكوم اخربط وكنت يومها مريضه عندي الدودو كنت جوعانه وكملت الامتحان ورحت للكافتريا مال الكليه جان اكول للويتر عفيه اريد بيبسي واولويز بالكاتشب (قصدي ليز بالكتشب)وما اشوف الا صديقاتي والويتر ميتين من الضحك هههههههههههههههههههههههه
والي رجعه همين اكتب المواقف واللحظات اللي بحياتي راح اكتب الكم الحزينه المره الثانيه

خخخخخخخخخخخخ
لامار ولج كلها فشلات وضحك
اني اشو حاليا ناسية كلشي ماكو شي بالي
اسم الله عليكم زهايمر
خلي من اذكر ارجعلكم

اوي لعد ارجع بعدين لان مو زهايمر لا دود

هلو اشو بس اني كتبت ليش مكتبتو باجر اشتكي لام محمدههههههههههه اي حبي نرجس نظري سويت عمليه وصار نظري اكثر من الطبيعي مو اني لو كلش لو فلش حتى الدكتور كال نظرج مال اللي يشتغلون مصلحين ساعات ههههههههه مو اطكوني بعين كولو ماشاء الله
خلي اليوم اسولف على المواقف المحزنه
اكثر موقف موتني يومي اللي طلعت من بيت اهلي لان ذبو الكفره النا تهديد ويومها ما انسى ملقيت حجز طياره وبس لقيت سياره طلعت بيها وكنت تعبانه ونفساء وغير كنت محتاجه اهلي وبيتي وتركت زوجي علمود ارجع للعراق يومها رفعت عيني للسماء وكلت حسبي الله ونعم الوكيل وشقهت وكال السايق دموعج مراح اتروح عندالله راح يجي يوم واتشوفين بعينج وضليت من بيت اهلي الى الحدود بس ابجي حتى السايق كال راح اتموتين حرام عندج طفل المهم صدك اجى اليوم اللي شفت بعيني وعرفت منو سوا هيج علمود وسخ الدنيا وشفته مريض مرض اللهم لا شماته محد يعرفه ومات مريض حتى اهله شمروه لان خافو ليعديهم ويومها صليت صلاة استغفار لله وطلبت من الله يسامحني لان كفرت بلحظات بحكم الله ونسيت ان الله يمهل ولا يهمل ومن ورا هذا الشي زاد ايماني انه الدنيا امتحان
اما الموقف الثاني
لحظه زوجي سافر لمكان بعيد وبقيت غريبه بكلشي عربة الوطن وغربة الاهل والاحباب حسيت يومها قلبي يصرخ بس مدا يطلع مني شي ضليت ساكته وحتى ابد منزلت دمعه مني والله يمكن من كبر الموقف ما اعرف
الموقف الثالث
كنا اني و زوجي رجعنا من شهر العسل ويوميه نسهر بالبيت اتعرفون ظروف بغداد2005 المهم اجى زوجي الي بالليل كال اكو سياره جتي شمرت كواني بيضه والسياره بلا ارقام وكاعده تفتر السياره يومها متت من الرعب مكدرت انام وهمين بيتنا كان ركن وورانا ساحه كبيره مال مطعم وكازينو بس من صار الحرب تركوه المهم كعدت الصبح لفيت 17 جثة شاب من شركة عراقنا تنهش بيهم الكلاب (الله يرحمهم ويرحم موتانا جميعا)
عفيه خوما ضوجتكم اذا ضوجتكم امسحوها المشاركه

لا ابد ماعقدتينا ولا ضوجتينا ولاطلعتي الضحكة من خشومنا وخشوم الي خلفونا خخخخخخخخخخخ
الله يرحم الي راح وينتقم المؤذي ويريح البال ويلحك وحدة اعرفها بواحد هم اعرفه اخاف اكتب منهم لابيوم احد من احفادهم يطب واكل عسل خخخخخخخخخخخخخخخخخخخخخخخخخخخخخخخخ

نرجع الي
ممممم نسيت شراح اكتب
طبعا قصصي كلها كاتبتها وقاريها الاكثرية بس اكتب للي ماقاريها

.....

هاي ببيت اهلي التقسيم مالتهم الهول بعدين المطبخ بعدين الموزع وغرف النوم والدرج
المهم اني كنت بالمطبخ والا طلعت اغنية تركص عاد اني رحت للغرفة امشي واركص ورايحة بيها وطبيت للهول واني اركص شو يباوعون علية ويباوعون ورايه اندار اشوف الوالد اثاري جاي وراية واني مامنتبهة وبما انه اني بنته الكبيرة لازم اكون محترمة كدامه على الاقل اني خربت ضحك ووجهي صار الوان من الخجل , بس هو صلح الموقف وكال بهدوء لاحول ولاقوة الا بالله هم بنية وهم مخبلة ههههههههههههه
............

شوفوا ردت اكتب بعد مايخلوني طلعولي الف شغلة

هاي شنو
ولا موقف رومنسي
اسفه اريد مواقف رومنسيه وهاديه وجميله
وانا بالانتظار
هموسه الحلوه