ام محمد مؤسسة الموقع
عدد المساهمات : 1446 تاريخ التسجيل : 22/02/2010 العمر : 45
| موضوع: الى عراقية الثلاثاء نوفمبر 09, 2010 5:46 am | |
| إلى عراقيه
كتابات - عواد العابدي
اهلاً بيچ وحیاچ الله * بیتچ هذا ولا تخجلين
مو خطّار إنتِ إحنه إضيوفچ * عد عيناچ إنتِ إتأمرين
حبيتچ من أول نظره * من سلمتي إبطرف العين
مدّيت إيدي وصافحتيني * وهاي أول مرّه إتصدكَين
كَبلچ ما صافحت إبنيه * أخجل وآنه إبن العشرين
أمشي مدنّكَ ما أعرف أحچي * وتعدت من عمري إسنين
ومن شفتچ كبرت شخصيتي * ونشفتيلي إدموع العين
عملتيني إشلون العشره * وعرفت الزين إمن الشين
كَمت اقره إسمچ وأتهجه إسمي * وافهم حچیچ من تحچین
شفتچ بس إنتِ بقاموسي * بس إنتِ وما أريد إثنين
كَلبي وياچ إيروح وعيني * إتظل إتابع من تمشين
أحسب خطواتچ بالشارع * وأتنطر يمته إتعودين
مو سجّاده أفرشلچ كَلبي * غالي ويرخص للحلوين
ولو ردتي إتنامين عيوني * أفرشهن حته إتنامين
إحروف إسمچ صارت عنواني * ولوما إنتِ آني إمنين
يا بت إبلادي أحلف بسمچ * وبريحة أهلي الطيبين
إيلوكَ إعليچ الشعر الأسود * شارب من ماي النهرين
يم إخدود السمره الحلوه * صدكَيني الأشكَر مو زين
خل تولي أم شعر الأشكَر * ما تعرف دنيه ولا دين
شفنه الشكَره وجربناهه * إودعنه القرن العشرين
وآنه أشهد والحكَ ميزعل * إنتِ أجمل ورده إتظلين
تحياتي. | |
|
barby عضوة عسل
عدد المساهمات : 51 تاريخ التسجيل : 12/05/2010
| موضوع: رد: الى عراقية الجمعة فبراير 25, 2011 4:53 am | |
| | |
|