القيمة النجفية من مطبخي

السلام عليكم.
طريقة عمل القيمة النجفية الاصلية .
المحتويات

حمص, لحم, بصل,معجون طماطة, نومي بصرة, كمون, هيل ودارسين وشوية فلفل اسود .

المقادير
لكل كيلو حمص كيلو لحم وقوطية معجون وراسين بصل
ودهن حسب الرغبة بس القيمة طيبة اذا دسمة.

طريقة التحضير
اولا: احمس البصل.
ثانيا: وبعد حمس وتحمير البصل احمس اللحم حتى يروح الزفر مالتة.
ثالثا: نحط مي بالجدرية الى حد تتغطة اللحم يعني نكوم منشوف اللحم
وبعدين نغطي الجدرية بحيث ميطلع البخار.
رابعا: ورة ميستوي اللحم نحط الحمص ونخليه يستوي كلش كلش, همين نغطيه علمود يستوي.
خامسا: نجيب اكو اختراع اسمة تخماخ ونكوم نهرس باللحم والحمص لحد ماينمرد الحم والحمص.
سادسا: نحط معجون الطماطة, ونرش شوية ملح.
سابعا: هاي طبعا احنة نظل ندرخ بالجدر حتى ليحكك, نحط نومي بصرة و شوية هيل, وشوية كمون.
ثامنا: نعوفهة على نار هادئة لمدة نص ساعة او اكثر وراهة صبوهة
وطبخي التمن وحطي علية زعفران وهيل شوية
والف عافية
وهاي الصورة واتمنة يعجبكم

حرامات الصور ماطلعت يمي
بس اكيد رهيبة عشتي حبيبة

يسلموووووووو

كلشششششششششششششششششششششششششش احبه وكلشششششششششششششششششششش طيبه \لكن شغلها اهوايه
شكرا لك ام عبودي

الله ام عبودى اشلون تشهى وياريت لو مسوية وياها شوية طرشانه
عاشت ايدج مشكورة

» كيكة بالجوز من مطبخي
» كيكة الكاكاو من مطبخي
» فطائر اللحم بالزيتون بالصور من مطبخي
» طبخ ربيان مقلي من مطبخي بالخطوات المصورة